Қазақстандық мемлекеттік-жекеменшік әріптестік орталығы мемлекеттік органдар мен бизнес қауымдастығы өкілдеріне арналған «Мемлекеттік-жекеменшік әріптестік жобаларын жоспарлау және іске асыру» тақырыбында оқыту семинарын өткізді.
Семинардың мақсаты – қатысушылардың мемлекеттік-жекеменшік әріптестік жобаларын әзірлеу, құрылымдау және іске асыру саласындағы біліктілігін арттыру. Бағдарлама аясында нормативтік-құқықтық база, қаржылық модельдеу, сондай-ақ жеке секторды МЖӘ жобаларына тарту құралдары жан-жақты қарастырылды.
Қатысушылар лекторлардың жоғары кәсібилігін, ұсынылған материалдардың өзектілігін және семинардың практикалық бағытын ерекше атап өтті.
Семинар соңында қатысушыларға сертификаттар табысталды. Олар алған білімдерін болашақта МЖӘ саласындағы жобаларды іске асыруда тиімді қолдануға дайын екендіктерін жеткізді.